أحبك حب ما ينكتب ...وصفة
عليك القلب مثل الذهب ...وصفة
عليمن يكتب الدكتور ...وصفة
عيونك وطيبتك صيدلية
أصيح بصوت أنته وياي ...ردرد
أحترمك وأعزك لا تروح بعيد ...ردرد
وأذا جتك رسالة عتب ...ردرد
لأن ردك يرد الروح بية
أظل أكتب شعر للزين ...وأنشد
وأظل أسأل على الحنين ...وأنشد
وأصير حزام وكت الضيج ...وأنشد
وتزيد همومي من تبعد علية
شما نوصفك مد يكفي ...وصفنة
ومثلك يرادلة كعدة ...وصفنة
كون أنته بمدرستنة ...وصفنة
لو تآخذ صفي أطيك مية
أنا الشديت جرحك ليش ...حليت
ومثل حلت المدارس علية ...حليت
ذكرتك بأمتحاني وغلط ...حليت
شجاوب وأنته شاغل حتى أدية
يهل وجهك حلو ومحظوظ ...بسمار
ترة غيابك يدك بالروح ...بسمار
لو آني ميت و عالكبر ...بس مار
أكوم بطولي وآخذلك تحية
نص أحترك من هجرك ...ونص طاف
وغرك نصي أبحر هجرك ...ونص طاف
ياريت المدرسة ترجع ...ونصطاف
وأبدلك بالعلم وآخذلك تحية
