احلى العبوذيات الحزينة

وليسأل
شگل للي يناشدني وليسأل 
ولك ليش الدمع يجري ولي سال
فراگك حيل موتني وليسال
متى يوم الوصل وتعود اليه
******
لبنكم 
اريد احلف ابد ما اشرب لبنكم
وعلى چتافي بنتيتلكم لبنكم
غصب زوجتو محبوبي لبنكم 
وتركتوني عليل الالم بيه
******
وسيله
يكت الدمع من عيني وسيله
وبس البچي صايرلي وسيله
اريد اوصل لمحبوبي وسئله 
نساني لو بعد ينشد عليه
******
سملهم
هلي ما لبسو خادم سملهم
وبصدر العدا باين سملهم
ان چان اهلك نجم اهلي سملهم
چثير من النجم عله وختفه
******
عينه
ربي لو نخاك البشر عينه
سوده وما تحب الكحل عينه
رفع طرف العبايه وشفت عينه
سحاب شفت ونجوم وثريه

الهيبه بس الك ربك وهبها
انسام الخير من وجهك وهبها
امر دارك يابو النخوه وهبها
شهم والطيب الك صاير سجيه


قلبي مافرح عقـــــــــــبك ولاسار
ولاجذمي ماخطى الغيرك ولاسار
أخبرك مابقت جـــــــــلمه ولاسار
فضحني الدمع من غصـــبن عليه

رجاءاااا ردي......

اني بنت ...........وتسلم على الرد زين اكو احد ردني وتدلل هذا الك مني هديه وردهااااااااا

من مثلي دمع عيني يهلهه
سبب غالب على روحي يهلهه
وعلي تحيولكم ميت يهلهه
من تبدي ترد الروح اليه

حزني عليك مايبطل وناحي
اسب اللامني بودك ونا حاي
تبات الناس مستوره ونا حاي
ليلي والنجم يشهد عليه

على هموم العشك عودنه الكلوب
وعلى حبل الصبر مشينه حبنه
وتعلمنه الصبر والنوح
وزرعنه الطيب بدروب اليحبنه
اودينه الفرح بجناح الطيور الك مرسال يهديلك كلبنه
يا خويه الوفه مو كلمتنه تنكال ولا كلمة احبكم كلمة سهله

هلا يالمانساك الكلب مرة /
وصدك ليالي العمر بجفاك مرة/
وشيضرك لو تمر بالحلم مرة
عزيز انت وتضل غالي عليه

تحياتي لكل الاعضاء